MIZORAM MLA ELECTION 2018 A PHULLEN A VOTE TLAK DAN LEH CANDIDATE TE VOTE HMUH DAN

Phullen hi Polling Station pahnih ah then a ni a, Polling station-I (PS-I) hi Diakkawn chhak lam (Phullen veng chhak) a ni a, Polling Station-II (PS-II) hi Diakkawn thlang lam, (Phullen vengthar) a ni a. Polling station  pahnih a vote tlak dan leh Candidate tinte vote hmuh dan hetiang hi a ni:

Slno Party             PS-I              PS-II         Total

1. Congress          172     +       115      =       287

2. BJP                    40       +       40        =       80

3. MNF                  238     +       170      =       408

4. ZPM                  172     +       201      =       373

Phullen a vote tla zat hi PS-I ah Vote 623 niin PS-II ah Vote 529 a ni a, a pum puia Vote tla Candidate ten an insem zat hi 1152 vote a ni a, NOTA hi PS-I ah vote 1 leh PS-II ah Vote 3 nen a vaiin Vote 1156 a ni ta a ni.

Tichuan, Phullen bikah hian MNF Candidate Pu Lalrinliana Sailo chuan Vote hmu sang berin Vote 408 a hmu a, ZPM Candidate Pu F. Rualhleia chu 2-na niin Vote 373 a hmu a, Congress candidate Pu LT Hrangchal chu 3-na niin Vote 287 a hmu a, BJP candidate Pu P Sanghmingthanga chuan hnung dawlin vote 80 a hmu thung a ni.

Inthlan chhungin, Phullenah Party ruihchilh thiltih thawm duhawm lo hriat tur a awm lo a, tluang tak leh muanawm takin mahni tan zawngte tan thahnemngai taka inthlan neih a ni a, a lawmawm hle. Tuna tling ta Pu Lalrinliana Sailo hi kan lawmpui a, Pathian leh kan ram tan tih thupuia an neih ang ngeia thawk turin duhsakna kan hlan e. Tin, tun Election a tling ve ta lo te pawh, an hmalam hunah duhsakna kan hlan e.

Pic: Lalrinliana Sailo, Chalfilh bial atanga MLA tling thar