PHULLEN

Vawiin, Ni 1.5.2019 Inrinni chhun khan, Phullen Community Hall-ah Joint Prohibition Committee (JPC) Phullen chuan General Body Meeting a nei a, hruaitute an kal ṭha hle. He meeting hian JPC hruaitu thar tur a ruat a, chungte chu hengte hi an ni: Chairman    :  Upa Lalrawngbawla Vice Chairman : Pu R. Lalthantluanga Secretary  :  Pu F. Lalruatkima Asst Secretary  : Pu Lalkroschhuanga Treasurer  : Pu Tlanhmingthanga Fin. Secretary : Pu R. Vanlallawma Info. Secretaries: Pu B. Vanlallawma leh Pu Lalbiakfela

Ni 11.5.2019 Inrinni chhun hian, Phullen Cooperative Society chuan, Phullen Community Hall-ah Assembly vawi 29-na a hmang. He Assembly-ah hian member an kal ṭha hle a, Society-ah hian member 64 awmin, member 63 an kal a, a kal lo pakhat pawh hi, ṭulna vanga Aizawl lama awm vang chauh a ni. Phullen Cooperative Society hi Society ṭha leh changtlung tak a ni a. Dar lian leh lun tak an nei a, an pualin concrete buildingte pawh an nei a. India President aṭangin chawimawina Award pawh a dawng tawh nghe nghe. 

Vawiin khan Phullen tlangval pahnih Lalliansanga leh Vanlalduhawma ten India ram chawimawina sang Uttam Jeevan Raksha Padak Award pawisafai Rs 1,50,000/- ve ve an dawng. LR: Vanlalduhawma (Awardee), Lalbuatsaiha (Me), Lalliansanga (Awardee) Awardee and Pi Latei Awardee leh a kalpuitute The Uttam Jeevan Raksha Padak hi India Sarkar in Civil mite hnenah, midangte nunna chhan nana hna thawk tha leh huaisen te hnena chawimawina a pek thin a ni a. He award hi Tui tla, Kang mei leh Thil laihchhuahna hmuna, thih leh dam kara midangte chhanchhuak tura beitute hnenah pek thin a ni. Kumin pawh hian India President chuan India ram pumah hetiang Award dawng tur mi 15 a thlang chhuak a, chung zingah chuan Phullen tlangval pahnih Lalliansanga S/o PL Vanlalhruaia Diakkawn veng leh Vanlalduhawma S/o Sakhawliana Field veng te an tel a ni. Kan hriat angin, ni 13.4.2018 Thursday kan F. Lalruatfela leh Joel Lianthangpuia te Bike khalh lai chu Electric hruipuiin Tui...