PHULLEN

M.U.P DAY 2017 PROGRAMME A hun : Dt.2.10.2017 (Thawh\anni) Chawhma dar 11:00AM A hmun : Community Hall Chaiman : Pu K. Lalthlengliana,  President MUP Phullen Unit Khuallian : Pi B. Malsawmtluangi.  BDO (MCS) Phullen RD Block. Hunserh : Upa Lalzawmliana PCI. PVT Member thi sunna : Pu Laithangvunga,  Senior Adviser. Sunna hla : Nl. Lalruatzeli Report : Pu Lalnghinglova, Secy. Inchhiarna : Chairman Thusawi : Pi B. Malsawmtluangi  BDO, Phullen Solo turte: 1. Pi Zonunsangi 2. Pi Zobawihtluangi 3. Pi PC. Lalremruati 4. Nl. Lalruatzeli Thusawi : Pu B. Lalhriatpuia VCP Thusawi : ICDS Dept. atangin Thusawi : Dr. Zoliankimi Ngente. M.O Thupui : Upate mamawh hriselna huang Thusawi : Pu J. Pachhunga  President YMA Thusawi : Pi Lalneihsangi,  President MHIP Thusawi : A duh apiangte tan Vote of Thanks : Pu Zoramnuara Vice President. MUP (Seat arrangement leh light & sound duty turin YMA beisei an ni.) Ruai t...

Vawiin Ni 16.9.2017 (Inrinni) hian Phullen Games & Sport Association (P-GSA) te chuan Pu Lalthangmawia (Pu Mawitea) Phullen Zone FA Executive Comt. Member leh Ex Phullen Zone FA President hovin kan khaw lal Pu Awksarala Thlan leh a panna kawng an tifai. Vawiin a GSA hnatlang ah hian GSA hruaitute leh Players mi 20 dawn an thawk chhuak a. Pu Lalthangmawia (Pu Mawitea), chuan hnatlang ei tur Aisa leina ama pawusa thawhin, hlim takin chawfunin an hnatlang a ni. Kan lal Pu Awksarala thlan hi, Khawhlui, Vai camp tlang,  Pengthuamthum chhak lawk a awm a ni a. A bul vel hi Hmunphiah leh Shillong tlangsam ten an bawh phui nasa a.  Hetianga kan khaw GSA ten tihfai nachang an hria leh awmnikhama a hmunhma leh a panna kawng an tifai hi, a lawmawm tak zet zet a ni. Lal Awksarala tu leh fa te hian Phullen GSA te hi tum hnih lai Jersey an siamsal/leisak tawh a. GSA te pawh kan lal chhungkuate chungah hian an lawm hle a ni. Mahni han insawi tel ve lawk ila. Kan khua h...

Tukin Ni 22.8.2017 Thawhlehni zingkar ațang khan, kan khawtlang hruautu VC leh YMA Taitesena Section te hmalakna in,Diakkawn Bazar Shed-ah Chawhmeh chi hrang hrang zawrh chhuah niin Diakkawn Chawhmeh Bazar chu țan a ni ta. Diakkawn Bazar ah hian țhutna seat 6-a siam a ni a. Chawhmeh zuarte țhut hun Bazar Ni bik pawh ruat a ni bawk a. Thawhlehni, Nilaithawhțan leh Inrinni te hi bazar ni a ni. Bazar ni hmasa ber ni 22.8.2017 Thawhlehni hian zing dar 5:30 AM vel ah Bazar hi țan a ni a. Mpuiin an hlut hle a, chawhmeh Thlaithar zawrh ang angte an hralh zo hma hle.  Pic: Phullen Chawhmeh Bazar

Vawiin ni 18.08.2017 Friday khan ICDS bultumin Health Deptt thuneitu Doctor leh thawktu dang te nen kan khua - Phullen ah World Breastfeeding Week kharna hun hman a ni. Breastfeeding chu ‘Naute hnena Nu hnute tui pek’ ti ila a dik thei mai awm e. He World Breastfeeding Week hi khawvel hmun hrang hrang, ram 125 chuangah kum tin August thla tir Ni 1-7 chhunga hman țhin a ni a.  Kan khua Phullenah pawh August ni 1 - 7 chhung khan ICDS leh Health Deptt hmalaknain he World Breastfeeding Week hi Anganwadi Centre tinah hman a ni. He Week hi Health Department hnuaia Health Worker leh Asha ten hmanpuiin Nu, naupawm, Raipuar leh Tleirawl te hnenah zirtirna an pe țhin a. Nausen tana Nu hnute pawimawhnate, naute hnute pek dan dik te zirtirin, thil pawimawh tak tak anzir a ni. He Breastfeeding Week kharna hi remchan zawkna vangin vawiin August ni 18, 2017 friday khan Phullen Anganwadi Centre No.1 ah Phullen khawchhunga Anganwadi Centre zawng zawng te infinkhawmin hman a ni a. He hu...

Vawiin 16.8.2017 Nilaini chawhnu dar 2:20 PM a Pu Neihtawnan chatuan ram min pansan tak thu hriat hian rilru a luah hneh hle mai. Veng khata awm tih takah kan naupan lai atang  tawha ka hriat ve a ni a. An Kawlhai kung leh Leihkapui dawh san te kha mitthlaah a lo lang thar leh. Pu Neihtawna hi kum 1923 ah Changzawl hmun a awm laia piang a ni a, hman ni lawka Chatuan ram min pansan ta Upa Thanzuala nen khan kum khat chhuak ve ve an ni a, tunah kum 94 mi a ni ve tawh a ni. A nupui chu Pi Kawlluti a ni a, Pathian malsawmna dawngin tu leh fa thahnem tak a nei tawh a ni. Changzawl a piang a nih dan hi han sawi fiah leh lawk ila. Kum 1905 a Khandaih khua a Hripui lo thleng kalzel avang khan Changzawl a kai an rel a, 1906 Pawltlakah an Kawnpuiah bawk an khawh a, 1907 ah Changzawlah an kai a, kum 1910 ah Changzawl atangin Thanglailungah an kai leh a, kum 1914 ah Thirhlumah an kai leh a, mahse kai ve lo thenkhat an awm a, chungte chu Phullen ah an awm a. Kum 1920 khan Thirhlum...

( 71st India Independence Day @ Phullen ) Kumin 2017 India Independence Day vawi 71-na chu kawng hrang hrangin lawm a ni a. Vawiin 15th August, 2017 Tuesday tuk 7:30 AM khan a lawmna pui ber chu BDO Complex Phullen ah hman a ni. He Independence Day lawmnaah hian Chief Guest Pi B.Malsawmtluangi MCS, BDO Phullen chuan India hnam puanzar pawt pharhin Independence Day Parade contingent te chibai bukin a lo chhang a. Tualchhunga Sorkar official pawimawh tak tak – Dr Zoliankimi Ngente, Medical Officer PHC Phullen te, Pi R. Laldinpuii CDPO, ICDS Phullen te leh sorkar office hrang hrang a thawktu pawimawh tak takte an tel a. Tin, khawtlang hruaitu Pu B.Lalhriatpuia VCP bakah Village Council members te leh tualchhung NGO leh pawl hrang hrang hruaitute leh khawtlang mipui thahnem tak an tel a ni. He huna Chief Guest Pi B.Malsawmtluangi BDO chuan thu sawi nghalin. Kum 2016 Independence Day atanga tun 2017 thlenga kan khawtlang leh block in hma a sawn dan hrang hrangte. Sorkar Porgramme le...