PHULLEN

KAN KHUA - PHULLEN AH TRAINING ON YOUTH LEADERSHIP AND COMMUNITY DEVELOPMENT PROGRAMME HLAWHTLING TAK NEIH A NI. Vawiin March ni 24, 2017 (Friday) khan YMA Br Phullen leh Nehru Yuva Kendra (NYK) Aizawl tangkawpin Thalai sawm bikte pualin Phullen vengthar Kohhran Complex, Phullenah Training on YOUTH LEADERSHIP & COMMUNITY DEVELOPMENT hlawhtling taka huaihawt a ni a.  He trainingah hian Pi B. Malsawmtluangi MCS, BDO Phullen chu Khuallian (Chief Guest) niin a telpui a. Chawhma dar 10:05 AM ah Chief Guest hian Training hi a hawng a. Chief Guest hian NYK tobul leh a tangkainate a sawi bakah thalaite chu kan khawtlang huam chin a duhtawk mai lovin, kan khawtlang bak, ram pawn thleng a daidar a, hma an sawn zel theihnan fuihna thu tha tak a sawi a ni. Training hawnna inkhawm hi Pu J. Pachhunga, President - Branch YMA chuan a kaihruai a ni. He training hi hlawhtling taka kalpui a nih theih nan, uluk tak leh mumal takin ruahmanna siam leh kalpui a ni a. Thal...

Pi LALTLUANGI kum 84 Phullen Hermon veng chuan, tukin 15 March, 2017 zing dar 8:45 AM vel khan ama chenna in Phullen ah chatuan ram min pansan ta. Pi Laltluangi hi a nghawng, a bek lam deuhah bawk a awm a, a na a tia, Aizawlah panpui a enkawl a nih hnuah Cancer tih hriat a ni a. A natna hi a lo nasa deuh hman a, ni 10.3.2017 Friday khan kan khua Phullen ah haw pui leh a ni a. Tukin khan chatuan ram min pansan ta a ni. Pi Laltluangi hi a pasal chu Laldailova (L) a ni a. Tin, a pa chu Pu Parânga (L) a ni a, a Nu chu Pi Mankûngi (L) a ni. A fate chu Pu Vankhuma Ex.-VC members, Pu Vanchhunga Ex MNA, Pu Vanengmawia, Pu Zoramchhana, Pu V.Lalrinawma, Upa V Lalnghahmawia (Sawi vek lo mai ang) te an ni. Pi Tluangi hi nu fel tak a ni a, a pa Pu Paranga hi mi harsa ve tak thin a ni a, chuvang chuan mi harsa zawkte dinhmun hriatthiamna thuk tak pawh a nei a. A hrin loh te thleng pawhin an bel nasa thin tih an sawi thin. A pa Pu Paranga leh Khandaih Harhna intanna Pu Hnuneka Pa...

Kan khua (Phullen) hi Ruih hlo laka a thianghlim zel a, Dry Village hi vawn nun a nih zel theih nan kan khua a pawl lian leh zahawm ber YMA Br Phullen chuan hetiang hian thuchhuah an siam:  "Phullen khawtlang hi, ruihhlo laka a lo thianghlim zel theih nana thawktu Joint Prohibition Committee (JPC) te hi YMA Branch, Phullen chuan a thlawp mai ni lovin,  theihtawpin, atul anga tha thawh a tawiawm  zel a tum a ni. Ruihhlo do tur hian khawtlang mipui tangtlang zel ila, Phullen Khawtlang hi nuam taka kan siam reng theih nan thawktute pawh i tawiawm sauh sauh zel ang u. Nang leh kei lo chu Phullen khua tithianghlim theitu an awm chuang lo.  He kan khua Phullen hi khawdang pa in min rawn tihthianghlim sak  dawn lova. Chuvangin, kan khawtlang hi a lo thianghlim zel theih nan, a chhunga chengte hian tan ila sauh sauh ang u."  Source:   Lentlang - YMA Chanchinbu Published by YMA Br. Phullen, dated 11.2.2017 at Phullen. (A thu hi...

Ni 17. 02.2017 Zirtawpni zingkar khan Sericulture Dept. hnuaia Pangang vulh tute tan Phullen Community Hall-ah "Cashless Banking" chungchang training neih a ni. He training hi Sericulture Dept huaihawt niin, pangngang khawi lama tui mi 90 chuang zet he training ah hian an tel. Sericulture Dept aiawhin Pu Zira leh Pi Tluangi te an tel a. Kalkhawmte te hi Cashless Banking chungchang Pu Hruaia, Branch Manager, MRB Phullen Branch chuan a hrilhfiah a, a zirtir a ni. 

Tukin Ni 4.2.2017 Inrrinni zing dar 7:00am khan YMA kumpuan hawnna inkhawm Phullen Diakkawnah neih a ni a. Kumin 2017 atana Young Mizo Association (YMA) Kumpuan chu "Ram leh hnam humhalh" a ni. Hei hi Mizoram pum huapa YMA kumpuan a ni. Vawiina Phullen Diakkawn a YMA Kumpuan hawnna inkhawm, Diakkawn khawlaia neih hi, Kumpuan Sub- Committee Chairman Tv T.Lalthangzikan a kaihruai. Pu J.Pachhunga, President, YMA Phullen Branch chuan kumin atana Kumpuan - "Ram leh Hnam Humhalh"  chu a hawng a. He Inkhawmah hian Pu B.Lalhriatpuia, VCP, Phullen chuan thu a sawi a, Pu Hmingthanzauva Zote, Secretary, Kumpuan Sub-Committee chuan Kumpuan thupui a taka kalpui dan tur leh hmalak dantur a duanlawk tlangpuite chu mipui hmaah a chhiar chhuak bawk a. Kumpuan hawnna hi khawlaiah hman a ni na a, mipui an kaltha thawkhat hle a. Khawtlang mipuiin Kumpuan thupui hi kan pawm tlang hle niin a lang. He kumpuan hawnna hi tluang taka zawh fel a ni.

Ni 3.02.2017 Friday zan hian Phullen Community Hall ah Dan lama inzirtirna (Legal Awareness) hun hman a ni a. He inzirtirna hun hi  "Visiting of Legal Aid Clinic & Legal Awareness Clinic amongst NGOs" tih a ni. He hunah hian Pu B. Lalhriatpuia President, Village Council, Phullen chu chairman niin inkhawm hi a kaihruai a. Pi R.Lalduhawmi Senior Civil Judge chu Resource Person a ni a. Resource Person hian kalkhawmte chu, kan nitin khawsakhona leh khawtlang inrelbawlna kawnga dan pawimawhnate, a tangkainate, dan hriat a tulnate a zirtir a ni. He hun, Dan lama inzirtirna inkhawm hi Non Government Organization (NGO) puala huaihawt a nih angin, kan khawtlang a pawl (NGOs) hrang hrang - YMA, MHIP, MUP etc hruaitu, Committee members chinte kal tura ngen leh beisei an a ni a. He hunah hian mi 50 vel zet an kalkhawm a ni. He inzirtirna hun hi District Legal Services Authority, Aizawl District huaihawt a ni a. Kalkhawm mipui ten hetianga dan lama inzirtirna hun buatsaih a...

Phullen pa lar, khawtlang hruaitu hlun, pa tlawmngai, Phullen Val upa tia sawi thin Pu Saihnuna chuan vawiin, ni 31.1.2017 Thawhlehni tuk 8:05 AM khan Astma natna vangin chatuan ram min pansan ta a. A nupui fanau, tu leh fa, chhung khat lainate tan mai ni lo, Phullen khawtlang tan channa nasa tak a ni a. Phullen khawtlang chuan a sun tak meuh meuh a ni. Vawiina kan thlah liam tak Pu Saihnuna chanchin hi, hre tlem hle mah ila, ka hriat ang ang ka rawn chhawp chhuak ve ang e. Pu Saihnuna hi Pu Ralkaikima leh Pi Bawihchhungi te fapa upa ber dawt niin kum 1933 kum tawp (‘ber thlaah) khan Phullenah a lo piang a. Kan hriat angin a u chiah chu Upa Lalrema, Phullen Kohhran Upa senior hi a ni. A nupui chu Pi Lalbuangi niin tunah Phullenah a tu leh fate tha hnem tak a kalsan a ni. Pu Saihnuna hi nu leh pa atang pawhin mi bik, vantlang hriat hlawh tak chhungkua atanga lo chhuak a ni a. Pu Saihnuna pa Upa Ralkaikima (L) hi Phullen Kohhran a Upa thlan hmasa ber kum 1913 a thlan chhu...